BUTUAN CITY- Nagpagawas na og desisyon ang US Supreme Court nga iligal ang pagpahamtang ni US President Donald Trump og mga taripa sa nagkalain-laing nasud. Sa majority decision nga gipagawas ni Chief Justice John Roberts nakakuha og unom ka pabor ug tulo ang wala ming-uyon nga mga judges kalabot sa nasangpit nga desisyon ni Trump.
Nakalatid niini, nga kinahanglang adunay authorization ang US Congress adiser ang pagpatuman ni Trump sa maong taripa. Sukad niadtong Disyembre 14, 2025 nakakulekta ang federal government og anaa sa $134 bilyon nga kita gikan sa taripa nga ilang nakuha sa kapin 310,000 ka mga managlahing importers.
Kahinumdumang mipahamtang og hangtud 145% nga taripa si Trump sa China niadtong 2025. Pipila ka nasud na usab ang gihatagan og hihgayon ni Trump nga mag-adjust sa ilang mga taripang ipahamtang sa mga produkto sa US aron dili usab tas-an ang taripang ipatuman.
