BUTUAN CITY – Padayong nangandam ang Department of Public Works and Highways kon DPWH Butuan City Engineering Office sa kadaot nga hatud sa pag-ulan sama sa nahitabo niadtong shearline.
Sigon ni Engr. Grace Curayag, Assistant District Engineer sa DPWH Butuan City Engineering Office nga lakip sa ilang gibantayan ang parte sa Barangay De Oro nga national highway nga kanunay nang nakasinati og mga landslide ugaling dunay pagbundak sa ulan.
Sumala sa opisyal nga duna na silay gipadala nga request alang sa quick response project ngadto sa regional office aron ma-rehab ang maong dapit.
Samtang nagpaabot, mihimo sila og imbestigasyon sa maong dapit og dunay gibutang nga warning sign lakip na ang mga ekwepo nga daling makaresponde ugaling dunay pagdahili na usab sa yuta.
Samtang sa mga lugar nga mabahaan sama sa Lemon-Mahay area, gibutyag sa opisyal nga gitun-an na sa karun kung kinahanglan bang e-upgrade ang maong dalan.
Duna usay mga gibutang nag maintenance crew nga panguluhan sa mga engineers ang mga lugar nga daling mabuslot o maguba ugaling dunay kanunay nga pag-ulan.
