BUTUAN CITY- Nakab-ot sa San Miguel Beermen ang unang kadaogan sa PBA 50th Commissioner’s Cup.
Kini human nalutsan ang Converge sa skor nga 103-99 sa dula nga gipahigayon sa Ynares Center.
Nasulod ni Don Trollano ang duha ka free throws human ma-foul ni Alec Stockton sulod sa 27.2 segundo aron mabuwal ang 99-99 ug makuha sa Beermen ang bintaha.
Pakyas nga masulod ni Stockton ang iyang three points hinungdan nga nakuha ni June Mar Fajardo ang lay-up.
Nag-una sa kadaogan sa Beermen si Fajardo kansa nakatala og 27 points ug 17 rebounds samtang adunay 24 points, 5 ka rebounds ug 5-ka assists ug 4-ka steals si Cjay Perez ug 11 points usab ang nasulod ni Marcio Lassiter.
Sigon ni San Miguel coach Leo Austria nga kini ang ilang kinahanglan nga masinati sa pagsugod sa dula.
Gidayeg usab niini ang iyang mga player tungod sa pagpaningkamot nga modaog.
