BUTUAN CITY- Gipasiugda sa Department of Energy o DOE ang pagpatuman sa mga regulasyon sa power sector aron masiguro ang igo, kasaligan ug barato nga suplay sa kuryente alang sa mga konsumidor.
Nag-isyu ang ahensya og show-cause orders batok sa pipila ka power generation companies nga wala makasumite sa gikinahanglang mga report, samtang padayon ang pag-follow up sa mga kompanyang wala pa mingtuman sa mga regulasyon.
Sumala ni Energy Secretary Sharon Garin nga kinahanglan adunay accountability sa tibuok energy system, lakip ang generation, transmission ug distribution sectors.
Gipasiugda usab niini nga dili na mahimong “business as usual” ang pagdumala sa sektor ug kinahanglan maandam ang nasud sa umalabot nga panginahanglan sa kuryente.
Samtang, padayon ang plano sa gobyerno nga dugangan ang bahin sa renewable energy sa power generation mix, gikan sa 25 % niadtong 2025 ngadto sa 35% sa 2030 ug 40% sa 2040.
