BUTUAN CITY – Gikasubo pag-ayo karun sa gobyerno sa Taiwan ang nahitabong train crash nga mikalas og 51 ka mga tawo. Sa eksklusibong pakighinabi ning sibyahan kang Rosemarie Pacaldo gikan sa Hualien City sa Taiwan, gibutyag niini nga kasagari sa nakalas mga Taiwanese kondiin kadaghan niini mga bata.
Sumala matud pa sa iyang amo, ang Taroko Express 408 duna’y kargang dul-an sa 500 ka mga pasahero dihang nabangga kini ug nadiskaril human mi-igo sa usa ka construction vehicle nga nahulog sa mga tracks niini.
Saysay matud pa sa iyang amo, unta walay trabaho sa construction site niadtong tungura kondiin nahitabo ang insidente tungod kay gisa-ulog man sa maong nasud ang Tomb Sweeping Festival – usa ka traditional Chinese festival alang sa pagrespeto sa mga patay apan tungod sa pangyawat sa driver sa construction vehicle nga dunay kita taliwa nga holiday, hinungdan nga mipugos kini sa pagtrabaho.
Adesir pa ang panghitabo, una na nga gi-parking sa driver sa construction truck ang sakyanan niini sa alanganin nga lugar hinungdan nga nahulog kini gikan sa pangpang nga ibabaw lang sa agi-anan sa tren hinungdan nga didto mibangga ang computer-oprated nga train kondiin sa iyang nasayran, buhi ang driver niini.
Dugang pa niini, niadtong panahona sakay ang daghan mga bata sa train tungod sa field trip sa ilang eskwelahan aron mamatud pa maasuroy ang mga bata.
Dugang pa ni Pacaldo, sa mga nakalas, 20 kapin lang ang na-identify na karun sa mga rescuers tungod kay lisud na matud pang ilhon ng uban tungod kay nangadugmok na apil ang ilang mga bukog, hinugdan nga mihimo og DNA test ang gobyerno sa Taiwan aron maila ang biktima ug makuha gilayon sa ilang mga pamilya.
Sa kasamtangan, nakapyansa ang suspek sa panghitabo human kini gipakasahan og kaso apan magpadayon gihapon ang kaso aron mapanubag kini sa panghitabo ilabina nga ang truck mao ang hinungdan sa pagka disgrasya sa train.
