DILG, dili matud pa mapul-an sa pagpangeta Atong Ang

BUTUAN CITY – Dako ang pagtoo ni Interior Secretary Jonvic Remulla nga anaa sa Pilipinas pa gihapon ang negosyanteng si Charlie Atong Ang.

Sigon sa Kalihim nga dili sila mohunong sa pagpangeta ni Ang bisan og duna kini kapin 80 ka mga raids nga ilang gihimo sa mga posibleng nahimutangan niini.

Dugang pa niini nga lisud ang magtago sa ubang nasud bisan og daghag kwarta ang nasangpit nga negosyante.

Ang tanan matud pang mga impormasyon nga mamahimong gitagoan ni Ang ang ila nang giadtu.

Mahinumdumang gipataas na sa 20-milyones pesos ang reward money para makit-an ang negosyante nga maoy gitudlong utok sa pagkawala sa mga sabungero.