BUTUAN CITY – Gihukmang mabilanggo og 15 ka tuig ang gibansagang “Ketamine Queen” nga mao amtud pa’y namaligya og ilegal nga droga ngadto sa aktor nga si Matthew Perry nga maoy hinungdan sa iyang kamatayon.
Ang 42-anyos nga si Jasveen Sangha, unang nagduso og not-guilty plea niadtong Septyembre sa lima ka mga kaso apil na ang usa ka ihap sa distributing ketamine.
Siya ang suod nga higala sa aktor ug mao matud pa’y naghatag sa ilegal nga druga.
Gihulagway sa mga prosecutors ang balay sa dual national American-British actor isip “drug-selling emporium”.
Ang actor na si Perry, pila ka tuig nang naggamitan og ilegal nga droga kondiin niadtong Oktubre 2023, napalgan siyang wala na’ay kinabuhi sa iyang hot tub sa balay niya sa Los Angeles, California.
