BUTUAN CITY- Nagkatag ang mga troso sa kalsada human mabugto ang binder sa 10-wheeler truck nga nagkarga niini sa may Purok 6B, Baan Riverside, Butuan City atbang sa 5A Buhangin, kagahapon sa gabie.
Sumala ni Jesus Rodriguez Jr. Kapitan sa Barangay, mahogany, nga dali nilang adto ang lugar human makablo sa maong panghitabo og gilayon nga gitawagan ang mga hingtungdan, lakip ang tag-iya sa truck ug tag-iya sa kahoy, kansa posibleng manubag sa nahitabo tungod wala pa makaabot ang kargamento sa planta.
Gipasi-uda usab niini, nga mitabang usab ang tag-iya sa Richmond pinaagi sa pagpadala og mga ekipo aron mapaspasan ang paghipos ug paglimpyo sa nagkatag nga mga troso sa dalan.
Gituohan nga ang hinungdan sa insidente posibleng tungod sa driver o sa naputol nga binder. Base sa monitoring sa kapitan, walay naangol sa maong panghitabo, apan adunay pipila ka property nga nadamage ug kini karon giatiman aron mapangitaan og hustong solusyon ug bayad.
