BUTUAN CITY –Nakabalik na sa Pilipinas si Presidente Ferdinand Marcos Jr. human sa lima ka adlaw niini nga state visit sa India bitbit ang dul-an sa $500 milyon nga kantidad sa direct investment pledges.
Nakigtagbo ang Presidente sa mga dagkong kompanya sa Bengaluru, aron palig-onon ang relasyon sa teknolohiya, panglawas, ug mga sektor sa renewable energy.
Lakip sa gipakigkitaan sa presidente ang Hinduja Group, diin gihisgutan ang pagpalapad sa relasyon sa natad sa information technology – business process management kon IT-BPM.
Ang Hinduja Global Solutions nag-operate sa Pilipinas sulod sa 22 ka tuig ug gi-ila nga pioneer industry sa IT-BPM. Gipakigkitaan usab sa Presidente ang NephroPlus, ang pinakadako nga dialysis network sa Asya.
Gihisgotan sa miting ang posibilidad sa pagpalapad sa barato nga renal area sa daghang mga Pilipino, labina sa mga komunidad nga kulang sa serbisyo. Sa laing bulag nga business meeting, gipadayag sa presidente ang interest usab sa iSON Group sa pagpadayon sa pagbubo og puhunan sa Pilipinas.
Gawas sa digital infrastructure, interesado usab ang grupo nga mosulod sa renewable energy, healthcare, BPO, ug insurance sectors. (AUDIO VIDEO OF….TOP….CUE OUT….TOURISM)
Ang pamahayag ni Presidente Ferdinand Marcos Jr. Nasayrang nakigtagbo usab ang Presidente sa mga ehikutibu sa Tata Group, nga adunay 6,200 ka mga empleyado sa Pilipinas ubos sa Tata Consulting Services.
Gihisgutan sa miting ang mga inisyatibo sa digital transformation sa kompanya ug ang kontribusyon niini sa malungtarong paglambo sa nasud.
