BUTUAN CITY – Patay ang 30-anyos nga delivery rider nga si Roy Moralde Trillo, residente sa Brgy. Pagatpatan, ning siyudad sa Butuan ug trabahante sa usa ka delivery services, human gipusil sa wala ma-ilang gunman nga sakay sa motorsiklo didto sa Purok 9, Brgy. Salvacion, Bayugan City, Agusan del Sur.
Sumala sa report, kalit lang gitaparan ug gilayong gipusil ang biktima, hinungdan sa iyang na-angkong samad sa lawas nga miresulta sa iyang kamatayon.
Sumala ni PLt. Noel Lambid sa Bayugan City Police Station, love triangle ug kasina sa trabaho ang ilang gilantaw nga motibo sa krimen ilabina nga temporaryo lang ang iyang assignment sa Bayugan City tungod sa kakulang sa tawo.
Padayon ang imbestigasyon sa kapulisan aron mailhan ug madakpan ang responsable sa maong kremin.
