BUTUAN CITY- Nanawagan si Negros Oriental 3rd District Representative Janice Degamo alang sa klaro nga tubag kalabot sa mga taho nga mibisita matud pa si Vice President Sara Duterte kang kanhi kongresista Arnolfo “Arnie” Teves Jr., kansa gi-ingong mastermind sa pagpatay sa iyang bana nga si kanhi Gobernador Roel Degamo.
Sumala sa mga report, nahitabo ang pagbisita sa Camp Bagong Diwa sa Taguig City sa ulahing bahin sa 2025, apan wala pa kini makumpirma o mapasubalian sa Bise Presidente.
Sa hearing sa House Committee on Justice kalabot sa impeachment complaints, giemphasize ni Degamo ang panginahanglan sa klarong pagpasabot tungod sa mga alegasyon nga posibleng adunay kalabutan ang pagbisita sa tangkang pagpanakit kang Ramil Madriaga, usa ka testigo nga nakapreso usab sa maong pasilidad.
Sigon ni Degamo nga importante ang kamatuoran ug tulobagon hilabi na alang sa mga pamilya nga biktima sa political violence.
Samtang, si NBI Director Melvin Matibag mikumpirma nga base sa imbestigasyon, duha ka higayon mibisita si VP Sara sa Camp Bagong Diwa ug unang gisulayan nga bisitahon si Madriaga nga misalikway sa pakigkita. Nakadawat usab ang NBI og impormasyon bahin sa tangkang pananakit kang Madriaga sulod sa prisohan nga padayon pa nilang giimbestigahan. Abli usab ang Bombo Radyo sa kampo ni VP Sara Duterte alang sa klaripikasyon sa isyu.
