BUTUAN CITY- Ming-palag ang defense team ni Vice President Sara Duterte sa paggamit og artificial intelligence o AI-generated images sa House prosecution panel aron ipakita kung unsa kadaghan ang P125 million nga confidential funds kansa gi-ingong gi-withdraw sa usa ka special disbursing officer sa Office of the Vice President.
Sumala ni defense spokesperson Atty. Michael Poa, gikwestyon nila ang paggamit og AI tungod posibleng dili husto ang mapakita nga actual nga gidaghanaon o itsura sa P125 milyon nga cash.
Sa ika-16 nga adlaw sa impeachment trial, nagpakita si private prosecutor Amando Ligutan og AI-generated image nga gibana-banang P125 million, lakip ang 1,000 bundle nga tig-P125,000 gamit ang P1,000 denomination.
Nagpakita usab ang prosecution og AI-generated image og upat ka duffle bag nga gi-ingong gi-unoran og P125 million.
Gipasabot ni Ligutan nga minggamit sila og teknolohiya tungod wala silay actual nga P125 million nga cash aron mapakita sa pagtaral.
Apan pag-insistar ni Poa, kinahanglang masiguro una ang accuracy sa mga hulagway nga gipakita tungod posibleng subra o kuwang ang representasyon sa AI sa aktuwal nga gidaghanon sa kwarta.
Samtang sigon sa prosecution spokesperson nga si Atty. Benjamin Tolosa Jr. nga visual representation lang matud pa kini aron matabangan ang witness ug korte nga makita kung susama sa mga bundle nga kwarta ug mga bag nga ginamit sa transaksyon ang gipakita sa mga hulagway.
Wala usab matud pa nila gipakita nga aktuwal nga kwarta ang pag-gamit og AI generated images.
Dugang pa niini, gibutyag usab matud pa sa saksi nga adunay pagkapareho ang gipakitang visual representation sa kwartang nakita ug mga bag nga gigamit sa pagbutang niini.
