BUTUAN CITY – Aminado si Agusan del Sur First District Rep. Maria Valentina Plaza nga mibotar siya pabor sa dealth penalty human nakita nga dako ang pagkunhod sa paggamit og pagpayuhot og ginadiling druga sa nasud sukad gipatuman ni Pangulong Rodrigo Duterte ang hugot nga kampanya batuk niini.
Sa pakighinabi ning sibyahan, gipadayag sa magbabalaud nga wala malimod sa kasayuran sa publiko ang kalampusan sa maong kampanya tungod makita kini sa mga reports sa kapulisan gikan sa mga rehiyon ngadto na sa kabaranggayan.
Sa eksklusibong pakighinabi ning sibyahan, gipadayag sa opisyal nga panahon na aron ipatuman dinhi sa nasud ang silot-kamatayon niadtong mga magsulod og ginadiling druga sa nasud aron dili mahimong dangpanan sa mga langyaw’ng drug lord ang nasud.
Gawas pa, alang usab kini sa umalabot nga henerasyon.
Giklaro pa ni Congresswoman Plaza nga bisan unsa pa man ang boto nilang mga kongresista, dili sila angayang hukman ilabina sa ilang mga ka-ubanan tungod kay duna sila’y managlahing baruganan. (Beth Ruiz)
