BUTUAN CITY – Padayong gitay-og sa mga aftershocks ang lungsod sa Burgos, Surigao del Norte human gitay-og sa 6.2 magnitude nga linog padado alas-11:06 kagabii.
As of alas-siete karong buntaga, Sabado, mi-abot na sa 16 ang natalang aftershocks sa maong lungsod kondiin ang pinakakusog, mi-abot sa 3.7 magnitude gawas pa sa natalang mga pagtay-og usab sa mga lumgsod sa Cagdianao og General Luna sa susamang lalawigan og sa mga lungsod sa Tago og Cagwait sa lalawigan usab sa Surigao del Sur.
Una nang gitin-aw sa Philippine Institute of Volcanology and Seismology kon PHIVOLCS nga wala sila’y gi-isang tsunami alert human sa linog kansang epicenter nasubay sa gilay-ong 41-kilometro sa sidlakang bahin sa maong lungsod kansa duna’y giladmong 16 kilometro og tectonic in origin.
Nabati usab ang Intensity V sa Burgos, Surigao del Norte; Surigao City apil na sa Dinagat Island samtang Intensity IV sa Butuan City; Abuyog, Leyte, Hinunangan, San Francisco, San Ricardo, Tacloban City og Southern Leyte og intensity II usab sa Camiguin Island.
Sa instrumental intensities usab, natala ang intensity III sa Palo, Leyte; Borongan City; Cebu City og Gingoog City samtang Intensity II usab sa Argao City og Intensity I sa Alabel, Sarangani province,: Cagayan De Oro City; Cebu City; San Francisco sa lalawigan ng Cebu og Ormoc City.
Bisan og wala’y gila-umang damyos nga matala sa maong pagtay-og apan suhiron pakarong adlawa sa local DRRMC kung duna’y nabiling damyos o kaha nagbilin ba kini og angol. (Rolan Janea)
