Dalagang nakigkita sa uyab, nakabsan sa kinabuhi tungod sa pagdugo sa kinatawo

BUTUAN CITY – Posibleng mag-atubang og kasong rape ug homicide ang usa ka ulitawo tungod sa pagkamatay sa iyang 16-anyos nga dalagitang hinigugma human nakigkita kaniya sa Makilala, North Cotabato.

Nasayrang ang biktimang gitago lang sa pangalang alyas Josie, taga-Brgy. Garcica sa maong lungsod, gidala gilayon sa iyang uyab nga si alyas Jomar, 18-anyos, sa ospital human nagdugo ang iyang kinatawo dihang gihatud niya sa ilang balay apan wala na kini maka-abot pang buhi.

Sigon ni Cpl. Jephony Bargamento, ang imbestigador sa kaso, wala’y injury ang lawas sa biktima ug bugtong ang kinatawo lang niini ang duna’y samad base sa pagsusi sa doktor rason nga daling gisikop si alyas Jomar.