BUTUAN CITY – Gi-awhag sa Civil Service Commission kon CSC-Caraga ang publiko nga suportahan ang dugang pang nominasyon alang sa 2017 Search for Outstanding Public Officials and Employees nga matapos sa Marso 31.
Gilangkuban kini sa tulo ka mga katergorya nga mao ang The Presidential Lingkod Bayan Award, ang Outstanding Public Officials and Employees Award kon Dangal ng Bayan Award, ug ang Civil Service Commission Pagasa Award.
Sumala ni CSC-Caraga Regional director Resurreccion Pueyo, kini gikonsiderang usa sa adbokasiya alang sa pagpromotar nila sa maayong trabaho ug pag-ila sa mga nag-alagad sa gobyerno sa ilang outstanding performance, kontribusyon ug kalampusan isip mga indibidwal nga nagpakita ug sulundong buhat.
Gi-awhag ang mga hepe ingon man ang mga empleyado sa matag ahensya sa gobyerno nga magsumite sa ilang nominasyon alang sa maong search.
Mamahimong makuha ang guidelines ug nomination forms sa CSC regional and field office o kaha mag-browse sa www.csc.gov.ph alang sa dugang kasayuran. (Beth Ruiz)
