BUTUAN CITY – Usa ka daog na lang ang kinahanglan sa Creamline aron subling magreyna human mapakyas sa nakalabay nga tulo ka kumperensya.
Kini human gidomina sa Cool Smashers ang Cignal Super Spikers, 25-22, 25-18, 25-16, sa Game One sa 2026 Premier Volleyball League (PVL) All-Filipino Conference Finals kagabii sa Smart Araneta Coliseum.
Mikamada si Jema Galanza og 17 puntos gawas sa 13 ka receptions para sa 1-0 lead sa Creamline sa ilang best-of-three championship series sa Cignal ug mipadool sa ika-11 nga PVL title.
Nagdugang si Bernadeth Pons og 11 markers samtang dunay 22 ka excellent sets si setter Jia De Guzman.
Mamahimo nang tapuson sa Cool Smashers ang serye kung sbuling pildihon ang Super Spikers sa Game Two ugmang adlawa sa Big Dome.
Mikolekta usab si Vanie Gandler og 17 puntos sunod sa 10 ka puntos ni Erika Santos sa panig sa Cignal nga pangandoy ang pinaka-unang PVL crown.
Sa inilogay sa bronze medal, nakalusot ang PLDT sa 22-25, 25-21, 27-25, 26-28, 15-11 nga kadaugan batuk sa Farm Fresh sa Game One sa ilang best-of-three series.
Mikamada si Fil-Canadian Savi Davison og 33 puntos para sa two-time champions samtang dunay 16 ug 13 markers sila Kim Kianna Dy ug Mika Reyes.
Nakakuha usab si Alleiah Malaluan og triple-double nga 11 puntos, 27 digs ug 21 receptions para sa tropa ni coach Rald Ricafort.
