BUTUAN CITY – Nadugang og 15 ka bag-ong kaso sa Coronavirus Disease 2019 kon Covid-19 ang rehiyon sa Caraga rasong misaka pa kini sa 176. Gikumpirma sa Department of Health kon DOH-Caraga nga karung adlawa, 200 ka RT-PCR results ang ilang nadawat gikan sa Southern Philippines Medical Center kon SPMC sub-national laboratory.
Sa nasangpit nga RT-PCR results, 166 ang negatibo samtang 34 ang positibo sa COVID-19 virus.
Ang negative RT-PCR results nagsumikad kini sa Suspect case sa may Butuan Doctors Hospital, 5 ka Probable cases gikan sa Butuan Doctors Hospital og Agusan del Sur quarantine facility, 160 ang results gikan sa high-risk individuals nga nagpositibo sa Rapid Antibody-based Test o kaha dunay kasaysayan sa pagbiyahe sa mga lugar nga dunay local transmission sa maong sakit o na-expose sa COVID-19.
Samtang sa 34 ka samples nga positibo, 19 niini ang follow-up tests sa confirmed cases og 15 ang New Cases.
Sa bag-ong kaso, 53.33 porsiento kon 8 ang Locally Stranded Individuals, 26.67 porsiento kon 4 ang Returning Overseas Filipinos ug 20 porsiento kon 3 ang frontliners. Ang bag-ong kaso gilangkuban kini sa 11 ka lalaki og 4 ang babaye nga dunay pangedarong tali sa 20 ngadto sa 30-anyos. Nagsumikad kini sa probinsiya sa Agusan del Norte diin sa Buenavista (1), Las Nieves (1), Cabadbaran City (1), Bayugan City (1), municipalidad sa Surigao del Norte-Alegria (2), Gigaquit (3), Sison (1), Sta. Monica (1), Tagbina, Surigao del Sur (3), og Bislig City (1).
Ang tanang bag-ong kaso pulos asymptomatic ug na-admit o na-isolate na sa mga quarantine facilities sa tibook rehiyon alang sa monitoring.
