BUTUAN CITY- Nakahakot og kapin 2 ka milyon ka fans ang nan-aw sa konsiyerto sa singer nga si Shakira sa Brazil.
Sumala sa mga opisyal sa Rio de Janeiro nga napuno ang Copacabana Beach kung asa gihimo ang nasangpit nga konsiyerto.
Kini matud pa ang gi-ilang pinakadakong konsiyerto sa Colombian pop star sa iyang career.
Ang paghimo og konsiyerto sa mga international stars pamaagi sa local nga gobyerno aron makadani og mga bisita ug turista nga mobista sa ilang nasud.
Pipila sa minghimo na og mga show nga minghakot og milyon fans mao sila Madonna ug Lady Gaga.
Base sa pagbana-bana sa mga Brazilian officials mingkita ang singer og anaa sa $161.45 milyon.
Ang nasangpit nga konsiyerto ni Shakira parte sa ilang “Todo Mundo no Rio” nga ipahigayon matag buwan sa Mayo.
