BUTUAN CITY – Mas bantayan pa sa Commission on Elections kon COMELEC ang nagkaduol nga piniliay, diin sumala pa nga mas pahugtan pa sa nasangpit nga ahensya ang ilahang pagbantay sa publiko ingon man sa mga kandidato.
Sumala usab ni COMELEC Chairman George Erwin Garcia nga gilauman matud pa sa ilahang ahensya nga mas modaghan pa ang ilahang madawat nga tawag may kalabutan na sa pagpamalit og boto.
Pagsiguro usab sa Poll Body nga taliwala pa man nga ilaha gilayon kining aksyonan, siguraduhon una matud pa nilang insakto ang nasangpit nga mga impormasyon.
Giawhag usab ni Garcia ang publiko nga isumbong sa ilahang buhatan ang bisan unsa mang masayran nilang pagpalit og boto sa bisan unsang paamagi.
Samtang, mamahimo matud pang himoon ang citizen’s arrest sa adlaw sa eleksyon kung dunay masakpang namaligya og nipalit og boto, diin dili na matud pa kinahanglang law enforcement authority ang modakop tungod kay pwede matud pa ang si kinsang citizen lamang ang mohimo niini basta lang kay tinood ang maong impormasyon.
Pagklaro sa opisyal nga wala nila kini gidasig, apan mamahimo matud pa kining himoon ugaling gikinahanglan na.
Pahinumdom pa ni Garcia nga dili gamiton ang mga bata sa pagpanghatag og mga sample ballots panahon sa election tungod lang kay dili kini mamahimong makasuhan.
