BUTUAN CITY – Mas gipahugtan karon sa Police Regional Office kon PRO-13 ang pag-man sa mga Commission on Elections kon COMELEC-Checkpoints sa entiro rehiyon human kini gisugdan kagahapon.
Alayon niini, nangayo na daan og dispensa si Police Regional Office-13 information officer PMajor Jennifer Ometer ngadto sa mga motorista sa kasahol nga mahatud niini sa ilang biyahe dungan sa pagpasabot nga pagsunod lang kini sa kamanduan sa Commission on Elections subay sa pagsugod na usab sa gun ban.
Gipasabot pa sa opisyal nga wala’y laing tumong niini kondili ang pagsegurong hapsay ug malinawon ang umalabot nga Barangay ug Sangguniang Kabataan Elections sa Oktubre ning tuiga.
Gawas niini, nangunay pa pagsusi sa mga COMELEC checkpoints si Police Regional Office-13 Director BGeneral Kirby John Kraft aron personal nga makita ang deployment sa mga police stations sa ilang ginsakupan.
