BUTUAN CITY- Mingkanaog na si Coach Tab Baldwin isip head coach sa Ateneo Blue Eagles, ug gidawat gilayon kini sa liderato sa Ateneo de Manila University.
Kini subay sa trahedya niadtong Hunyo 8, 2026 sa Aurora kung asa nalumos ang duha ka player sa grupo sa usa ka team-building activity.
Gawas kang Baldwin, mingkanaog usab si team manager Epok Quimpo isip parte sa responsibilidad sa insidente.
Si Baldwin nagsilbi isip coach sa Ateneo gikan 2016 ug nakadala na og upat ka UAAP championships ug unom ka finals appearances, lakip ang three-peat gikan 2017 hangtud 2019.
Sa pagkakaron, minghimo og imbestigasyon ang Ateneo ug uban pang ahensya sa gobyerno aron masuta ang tulobagon ug mga kapakyasan sa safety protocols.
Ang pagkanaog ni Baldwin nagmarka sa pagtapos sa usa ka malamposon apan kontrobersyal nga yugto sa kasaysayan sa Blue Eagles.
