BUTUAN CITY- Nagpinirmahay og Memorandum of Agreement ang City Government of Butuan ug Caraga State University aron mapadali ang scholarship services ug aron mas daghang Butuanon ang makabenepisyo sa digital learning pinaagi sa TEC BuILD Program.
Pinaagi sa maong programa, maghatag ang CSU ug technical expertise, training, ug suporta sa mga bag ong teknolohiya sama sa Artificial Intelligence, Data Analytics, AR/VR, Blockchain, ug uban pang IT related fields. Tinguha niini nga mapalambo ang kahibalo ug abilidad sa mga magtutudlo, estudyante, ug mga academic institution sa dakbayan.
Kabahin usab sa kasabutan ang paghimo sa IT based Scholarship Program Information System aron mahimong mas sayon ug mas paspas ang scholarship application, evaluation, approval, ug monitoring sa mga benepisyaryo. Gisuportahan sa City Government of Butuan ang maong programa aron daghang estudyante ug mga eskwelahan ang makabenepisyo sa teknolohiya ug digital services.
