BUTUAN CITY – Nagpahayag og kaandam ang China nga makigtambayayong sa Russia aron mapagaan ang nagkagrabeng epekto sa tensyon sa Middle East.
Sa usa ka panag-istorya sa telepono uban kang Russian Foreign Minister Sergei Lavrov, gibutyag ni Chinese Foreign Minister Wang Yi nga magpadayon silang magtinabangay sa United Nations Security Council aron pangusgan ang kalinaw.
Sumala ni Wang nga ang nag-unang solusyon sa krisis sa Strait of Hormuz mao ang hinanaling ceasefire og gipamugos nga kanunay’ng iduso sa China ang political settlement pinaagi sa dialogue ug negotiation.
Ang panag-estorya sa duha ka opisyal natigayon adiser ang nakatakdang botasyon sa UN mahitungod sa resolusyon sa Bahrain para protektahan ang commercial shipping sa Strait of Hormuz.
Dugang pa ni Wang, isip permanenteng miyembro sa UNSC, dapat magpatuman ang China ug Russia sa objective ug balanced approach aron makakuha og mas lapad nga suporta gikan sa international community.
Sa pamahayag sa Russian Foreign Ministry, parehong nasud ang nagpahayag og kalipay sa pagkahaom sa ilang panglantaw sa kadaghanan sa global issues, lakip ang sitwasyon sa Iran nga matud pa hatud sa agresyon sa U.S. ug Israel.
Dugang pa sa China, kapin usa ka buwan na ang giyera sa Gulf region nga naghatag og pagkasira sa Strait of Hormuz, usa ka importanteng ruta para sa oil ug gas shipments.
Sa katibuk-an, nakita sa China ug Russia ang panginahanglan sa paspas nga ceasefire ug pag-abli sa political-diplomatic dialogue aron maminusan ang tensyon ug mapabilin ang kaluwasan sa pangkalibutanong negosyo sa rehiyon.
