BUTUAN CITY- Gibantayan sa Catholic Bishops Conference of the Philippines kon CBCP ang pag-usawag sa impeachment trial sa Senado, sumala ni Episcopal Commission on Inter-Religious Dialogue head, Bishop Jose Colin Bagaforo.
Sigon sa Catholic leader, kanhi nang nakamugna ang Simbahang Katolika ug ang uban pang religious sects sa ‘Inter-religious Leaders’ Council for National Transformation’ kinsa aktibong nagbantay sa social issues sama sa impeachment trial.
Sa kampo sa Church, nagpabilin matud pa ang baruganan niini nga pagpanubag sa si kinsa man ang gidudahan o gi-akusarang minghimo og unsa mang krimen, unsa man ang iyang posisyon.
Giklaro usab ni Bishop Bagaforo nga wala nila gikondena ang Bise Presidente, o mohimo og ‘stand’ o pagsuporta sa kinsa maang opisyal.
Gani, gusto lang matud pa sa simbahan nga modaog ang balaod ug masunod ang constitutional process.
Gi-awhag usab sa Catholic leader ang publiko ug ang mga kaubang sumusunod sa simbahan nga pasagdan lang nga mo-uswag ang impeachment process samtang gibantayan ang panghitabo sa impeachment court.
Parte matud pa kini sa gitudlo sa Simbahan nga pa-igtingon ang hustisiya ug tulobagon – duha sa mga nag-unang gipakigbisogan sa Catholic Church.
