BUTUAN CITY – Gipangandaman na sa lokal nga kagamhanan ning siyudad sa Butuan ang paghatag ug pasidungog ug insentibo sa mga atleta nga makakuha ug medalya sa Palarong Pambansa 2017 sa Antique.
Kini ang reaksiyun ni Butuan City Councilor Cromwell Nortega, chairman sa committee on Sports sa Sanguniang Panlungsod human nakasakmit ug 2 ka bulawang medalya ang Caraga pinaagi ni Jade Alexi Cabilao sa taekwondo Poomsae secondary boys ug si Charmae Morgado, sa wrestling 44kgs. secondary girls.
Sigon ni Nortega, base sa ordinansa, makadawat ug dili mominus sa 15-mil pesos nga cash ang makakuha ug Gold medals, 10-mil pesos sa silver ug 5-mil pesos sa bronze.
Apan giklaro sa opisyal nga depende na ni Butuan City Mayor Ronnievic Lagnada kung dugangan niya ang maong mga kantidad tungod sa kadako sa garbu nga nahatag niini sa dakbayan.
Gipaneguro pa niini nga ubos sa kasamtangang administrasyon, seguradong mahatag ang saktong pasidungog.
Sabutan matud pa nila kung unsa nga pamaagi sa paghatag sa pasidungog apan seguradong itunol kini mismo sa mayor ngadto sa mga atleta.
