BUTUAN CITY – Na-igo sa gitira nga missile sa mga rebeldeng Houthis sa Yemen ang usa ka cargo tanker nga Wind nga duna’y 23 ka mga tripolanteng Pinoy samtang anaa sa Red Sea.
Natigayon ang pag-atake sa gilay-ong 98 nautical miles sa habagatang bahin sa Al Hudaydah, Yemen, nga miresulta sa pagsiga sa steering gear flat hinungdan usab sa temporaryong pagbaha ug pagkawala sa propulsion.
Apan bisan pa man niini, nakontrola gihapon sa mga Filipino crew ang sitwasyon ug gipadayon ang ilang paglawig nga wala na nagkinahanglan og external assistance.
Ang barkong Wind, usa ka Panama-flagged vessel nga gipanag-iyahan sa Cyprus ug gi-operate sa usa ka Greek company, duna’y kargang Russian oil gikan sa Novorossiysk padulong ngadto sa China.
Naka-isyu pa kini og distress call nga daling girespondehan sa USS Mason, usa ka U.S. Navy destroyer, bisan og wala na magkinahanglan pa ang maong tanker og evacuation o k,aha towing.
Nasayrang ang mga Houthi forces nga ka-alyado sa Iran, mi-target sa mga barko sa Red Sea isip kabahin sa ilang mas gipalapdang kampanya batuk sa mga Israel-linked shipping.
