BUTUAN CITY -Hingpit nang gikansela sa Maritime Industry Authority kon MARINA ang Cargo Ship Safety Certificate sa misangad nga pampasaherong barko sa nakalabay nga adlaw sa Dapa, Siargao, Surigao Del Norte nga mao ang MV Reina Xaviera samtang padayon usab ang imbestigasyon sa Philippine Coast Guard Sub-station Dapa aron masuta ang dugang ka-akuhan pang atubangon sa tag-iya sa maong cargo ug passenger ship.
Una nang gibutyag sa kapitan sa barko nga si Prospero Nillo nga nadaot ang ilang makina ug tungod usab sa kusog nga hangin rasong wala kini makadunggo og tarung sa pantalan.
Dali usab nga na-rescue ang 38 ka mga pasahero sa maong barko og nabalhin sa gagmay nga sakyanang pandagat pinaagi sa mga personahe sa lokal nga kagamhanan sa Dapa kauban ang Philippine Coast Guard, Bureau of Fire Protection ug Philippine National Police.
Sumala sa Montenegro Operation Personnel, gibira na kagahapon sa buntag ang misangad nga barko. Nasayrang adiser nahitabo ang insidente, nagpagawas og safety advisory ang MARINA sa mga ship owners, boat owners, ug concerned entities nga nag-aghat sa pagsunod sa MARINA Advisory nga likayan ang paglawig tungod sa daut nga panahon.
