BUTUAN CITY – Mipalag si Cabadbaran City Vice Mayor Rey Jamboy sa pagkonsidera ni konsehal Cuasito nga pamolitika ang wala pag-apruba sa Annual Investment Plan kon AIP sa siyudad.
Sigon ni Vice Mayor Jamboy, dili pamulitika ang pagbabag nila sa maong resolution kundi ang unod sa maong sugyot diin direktang gilatid ang proyektong ospital.
Sumala pa sa opisyal, wala silay ideya kung unsa ang proyektong ospital nga gustong e-apil sa AIP.
Wala matud pa silay feasibility study nga gihimu alang sa maong proyekto. Basin lang matud pa nga masayang ang pondong igahin niini tungod kay dili lang mahuman ang proyekto sa pagtukod lang sa ospital kundi apil na niini ang pagpadagan.
Samtang sa hisgutanang majority, gipasabot sa Bise Mayor nga dunay 10 ka konsehal ang miyembro sa Council kauban sa usa ka Ex Officio ug usa ka Vice Mayor.
Nagpasabot kini nga kinahanglang makakuha ug 7 ka boto adiser matawag kini nga majority, butang nga wala nakuha sa kampo sa nagduso sa AIP tungod kay miabot lang sa unom ang mipabor niini.
Apan human sa pakighinabi ning sibyahan sa opisyal, kalit nga mitawag si Agusan del Norte board member Lorito Maragañas ug isog nga misupak sa pamahayag ni Vice Mayor Jamboy.
Sumala pa sa opisyal, AIP palang ang maong resolusyun nga nagpasabot panglantaw palang kini ni Mayor Katrina Mortola, apan ila na kining gibabagan.
Ang ila matud pang gihimung rason sa pagbabag sa maong Annual Investment Plan, angayan lang kung anaa na sa budgeting ang maong proyekto.
Pagbutyag pa niini, panglangtaw palang ang proyektong ospital apan ila na kining gibabagan.
