BUTUAN CITY – Tungod sa sunod-sunod nga pagpamusil-patay nga natigayon ning siyudad sa Butuan unya wala pa’y kasulbaran, aminado si City Councilor Cromwel Nortega nga bisan sila, mikwestyon na sa abilidad sa kapulisan pagprotiher sa katawhan.
Sa eksklusibong pakighinabi sa Bombo Radyo Butuan, gipadayag ni Konsehal Nortega nga dismayado sila sa tubag sa mga pulis higayong pangayuan nila og update sa mga kaso ilabina kung ibutyag sa mga niini nga isolated nga mga kaso lang ang nagapanghitabo.
Aminado si Nortega nga daghan nang mga kremin nga nahitabo ning siyudad nga wala pa gihapon masulbad kansa gipasamot pa sa pagbiktima sa mga opisyal ning siyudad.
Nanghinaut ang konsehal nga unta mag-privilege speech ang iyang ka-ubanang si Konsehal Ehrnest John Sanchez isip chairman sa Committee on Police and Public Safety sa Sangguniang Panlungsod kalabot niini nga panghitabo.
Ning mi-aging mga hitabo, daw wala lang sila mi-aksyon tungod kay gihulatan nila ang ipakitang aksyon sa kapulisan hangtud nga nanaghan na kini nga nakakuha na og atensyon sa tanang katawhan.
Dili matud pa malikayang makakwestyon ang tanan kung kaya pa ba sa kapulisan nga proteksyunan ang katawhan.
