BUTUAN CITY – Gideklara na sa Quezon City Police District nga sarado na ang kaso sa pagkawala sa bride-to-be nga si Sherra San Juan human siya nakit-an kagahapon sa Sison, Pangasinan nga dakong buhi hinungdan nga nawala na ang kabalaka sa iyang pamilya, hinigugma ug mga higala nga pila ka adlaw nga nagpa-abot sa mahimong update sa iyang pagkawala.
Madumdumang una siyang gikatahong nawala niadtong Disyembre 10, sa Commonwealth Avenue, Quezon City dihang nananghid kining magpalit lang og sapatos alang sa iyang kasal nga gitakda unta niadtong Disyembre 14.
Human sa 19 ka adlaw nga pagkawala, nakit‑an siya buhi sa Sison, Pangasinan ug sigon ni QCPD Public Information Officer Police Major Jennifer Ganaban, ilang gidala si Sherra sa ilang istasyunan aron makuhaan sa iyang mga pamahayag.
Sigon sa iyang hinigugmang si Mark Arjay Reyes, wala pa musulti si Sherra sa kinatibuk-ang klarong hitabo ngadto kanila dayong pangayo una og privacy.
