-- ADVERTISEMENT --
BUTUAN CITY – Gidid-an na pagbiyahe sa Surigao Strait ang mga sakyanang pandagat tungod sa mga dagkong balud nga mugna sa nagtunhay karong bagyong Paolo.
Sa eksklusibong pakighinabi kang Sr. Chief Rommel Lomad, acting sub-station commander sa Philippine Coast Guard kon PCG-Surigao City, sugod kaganinang alas-sais sa buntag, wala na’y mga sakyanang pandagat nga gipalawig sa kadagatan hinungdan sa natanggong usab nga tulo ka mga ro-ro vessels sa Lipata Port.
Sa pagkakaron, wala pa’y na-stranded nga mga pasahero apan andam silang makig-alayon sa mga shipping lines og sa mga local officials higayong duna’y ma-stranded nga mga pasahero. (Beth Ruiz)
