BUTUAN CITY- Mapasalamaton ang Butuan City Police Office kon BCPO sa bag-ong pagdumala sa ilang Acting City Director nga si Police Colonel Restituto P. Lacano Jr., sumala ni PLt. Joy March Estioco, spokesperson sa BCPO.
Gibutyag usab ni Estioco, nga ipadayon sa bag-ong lider ang mga programa ug enforcement nga gisugdan sa kanhi City Director, apan kung adunay makita nga kinahanglan pa og kalamboan, i-angay matud pa niini base sa panginahanglan sa syudad.
Sigon pa niini, nga usa sa mga programa ni Lacano ang palig-onon ang police visibility pinaagi sa daghang kapolisan nga makita sa kadalanan ug mas kusog nga mobile patrolling sa nagkalain-laing estasyon, ingon man ang padayon nga operasyon batok sa illegal drugs, illegal gambling, ug uban pang law enforcement aron masiguro ang kalinaw ug seguridad sa Butuan City.
Dugang pa si Tigmapaba nga base sa peace and order sa Butuan City kansa naka base usab sa threat assessment nga gihatag, magpadayon gihapon ang hapsay ug kalinaw ang Butuan City hilabi na sa umalabot nga panahon.
Gani, gi-awhag usab PLt.Estioco ang katawhan nga mo duyog pinaagi sa pahatag og suporta, ingon man pagreportugaling adunay mabantayan nga mga kadudahan sa palibot o wala nahi-uyon diha sa kadalanan.
