BUTUAN CITY- Gi-atake sa Islamic Revolutionary Guard Corps (IRGC) sa Iran ang mga base militar sa Estados Unidos sa Kuwait ug Bahrain.
Tubag kini sa Iran sa mga bag-ong serye sa pag-atake sa Amerika sa southern coastal provinces niini ug sa duha ka tulay sa sa eastern Iran.
Parehong gikumperma sa Navy ug Air Force sa Islamic Revolutionary Guard nga minglusad og joint drone ug missile attack sa mga imprastraktura ug pasilidad sa US.
Lakip niini ang Camp Arifjan and Ali Al Salem Air Base sa Kuwait ug Shaikh Isa Air Base and Juffair sa Bahrain.
Ang Juffair puloy-anan sa Naval Support Activity, ang nag-unang US Navy base sa Persian Gulf, nga naghost sa US Fifth Fleet.
Sa pagkakaron, wala pay detalye kung adunay angol o namatay sa maong pag-atake sa mga base militar sa Amerika.
