BUTUAN CITY- Mingkusog pa ang ngadto sa Super Typhoon category ang bagyong Francisco samtang naglihok paingon sa west-northwest ug namatikdan ang sentro niini mga 440 kilometro sa sidlakang bahin sa Tuguegarao City ug 450 kilometro silangan sa Aparri, Cagayan.
Sumala sa Philippine Atmospheric, Geophysical and Astronomical Services Administration kon PAGASA, nga aduna kini kinatas-ang kusog sa hangin nga 185 kilometro matag oras duol sa sentro ug paghuros nga moabot sa 230 kilometro matag oras.
Gipahamtang ang Tropical Cyclone Wind Signal No. 1 sa Batanes ug pipila ka bahin sa amihanang-sidlakang Cagayan tungod sa posibilidad sa kusog nga hangin sulod sa 36 ka oras. Gipasidan-an usab ang publiko sa posibleng kusog nga ulan, hangin ug peligro sa kadagatan ilabina sa amihanan ug sidlakang baybayon sa Luzon.
Bisan pa nga gilaumang dili direktang mo-igo sa kayutaan sa Pilipinas ang bagyo ug posible nga mobaliko paingon sa Ryukyu Islands sa habagatang Japan, mipasidaan ang PAGASA sa mga lokal nga opisyal ug residente nga magpabiling alerto ug mosunod sa tanang pahimangno sa paglikay sa katalagman aron mapanalipdan ang kinabuhi ug kabtangan.
