BUTUAN CITY – Nabutang karon sa sentro sa atensyon ang bag-ong tudlong hepe sa Davao City Police Office (DCPO) nga si Director Colonel Lito Patay tungod kay mi-abot lang sa 4 ka oras ug 38-minutos ang iyang paglingkod sa maong posisyon.
Nasayrang mi-asyumer sa iyang katungdanan si Patay pasado alas-otso kagahapon sa buntag apan mitawag kaniya ang Camp Crame ug gitapos ang iyang katungdanan pasado alas-12:38 sa udto usab kagahapon, Miyerkules.
Ang wala la-uming pagka-relieve kaniya isip city police director, nagtimaan sa pinakamubo nga termino sa kasaysayan sa maong siyudad.
Ang maong hitabo wala lang nagtapos sa iyang termino apan apil na sa gilahugay nga liderato sa kapulisan sa Region-11.
Adiser niini, si Patay mihimo pa og command conference uban sa 19 ka mga bag-ong na-assign nga mga opisyal sa Davao City Police Office.
Iya pang nahisgutan ang kritikal nga papel sa pagmintina sa kahapsay ug kalinaw sa usa ka urbanized city sama sa Davao ug gipatutukan ang istriktong pagpatuman sa “3-Minute Response Time kon 3-MRT strategy kansa gitumong sa pagsiguro sa paspas nga pagresponde sa mga insidente.
Ang kalit nga pag-recall kang Patay misangpot ngadto sa katudluan ni Colonel Sherwin Butil isip officer-in-charge (OIC).
Si Butil nga kanhi hepe sa Regional Information and Technology Division, misawo gilayon sa posisyon aron pagsiguro nga wala’y vacuum sa liderato.
Tungod niini nga lahugay, si Colonel Alberto Lupaz, nga maoy kanhi naghupot sa Regional Operations Division, mao ang muhawid sa kanhi posisyon ni Butil samtang si Patay usab ang mikupot na karon sa gibiyaang posisyon ni Lupaz kansa wala na mag-require og formal turnover ceremony required tungod kay ang assumption order man lang ang gikinahanglan niini.
