BUTUAN CITY – Nadugangan na usab og dose ka mga bag-ong kaso sa COVID-19 ang Caraga Region karong adlawa apan wala’y patay.
Sa pinaka-ulahing virtual announcement nga gihimo sa Department of Health-Center for Health and Development kon DOH-CHD Caraga, migawas nga ang usa ka kaso naggikan sa Tandg City sa Surigao del Sur samtang laing usa San Isidro, Surigao del Norte ug 10 niini pulos taga-Butuan.
Nabahin kini sa Brgy. Libertad nga duna’y 2 samtang tag-usa sa Brgy. Datu Silongan, Golden Ribbon, JP Rizal, Limaha, Lumbocan, Maug, Urduja ug Villa Kananga.
Sa nasangpit nga gidaghanon usab, 67-porsiento ang anaa sa edad nga 31 hangtud 70-anyos samtang 9 ang mga babaye kon 75-porsento ug 3 ang mga lalaki kon 25-porsiento.
Sa 12 ka mga bag-ong kaso, 10 ang mga local transmission nga glangkuban sa 7 ka mga bag-ong local transmission samtang3 ang mga healthcare workers samtang2 usab ang duna’y travel history sa mga lugar nga duna’y local transmission.
Sa mga bag-ong kaso, napulo ang duna’y mild symptoms samtang duha usab ang asymptomatic kon wala’y simtomas.
Alayon niini sa pagkakaron, ang Caraga Region duna na’y 1,121 ka mga bag-ong kaso kondiin 642 niini ang nakarekober na, 444 ang mga aktibong kaso ug 35 na ang mga namatay.
Sa tanang kaso, pinakadaghan diha sa mga lalawigan ang natala sa Agusan del Norte nga mi-abot sa 115; gisundan sa Surigao del Norte – 95, Agusna del Sur -75; Surigao del Sur – 51 samtang 11 sa Dinagat Islands province.
Samtang sa mga siyudad, nanguna ang Butuan CIty nga duna’y 621; Bislig City -94; Cabadbaran City-25; Surigao City -17; Bayugan City -14 ug 13 usab sa Tandag City.
