BUTUAN CITY – Sa ikaduhang higayon, subling nakuha sa Regional Police Strategy Management Unit kon RPSMU sa Police Regional Office-13 ang award isip Best RPSMU sa tibuok nasud atol sa 117th Police Service Anniversary.
Kini human ang deliberasyon og paglusad sa field validation sa Central Police Strategy Management kon (CPSM) Field Validation Team sa pagpanguna ni P/Sr. Supt. Victor Arevalo.
Ang valuable contributions og wala’y hunong nga suporta sa Advisory Council og sa mga personahe sa PRO-13 ang hinungdan nga nanguna ang RPSMU 13 sulod na sa duha ka tuig sa nationwide ranking sa Performance Governance System.
Gidawat ni P/Sr. Supt. Jamili Macaraeg, acting Deputy Regional Director for Operations kon DRDO ang award gikan nila Pangulong Rodrigo Roa Duterte og Police Director General Oscar Albayalde sa Camp Crame sa Quezon City.
Ang dedikasyon og commitment nga gihimo sa PRO-13 ang perpektong deskripsyon aron makab-ot ang maong kalampusan ilabina sa pagsegurong mahimong luwas nga lugar nga puy-an, trabahuan og negosyuhan ang Caraga Region. (Beth Ruiz)
