BUTUAN CITY – Viral karon sa tibuok kalibutan ang usa ka unggoy sa Japan nga ginganlan og Punch-kun o Punch nga nagpuyo sa Ichikawa City Zoo tungod sa iyang ka-uban nga usa ka stuffed orangutan.
Nasayrang sukad natawo si Punch niadtong Hulyo ning mi-aging tuig 2025, na-ilo na siya human namatay ang iyang inahan nga mao unta’y iyang gakson, muprotekta kaniya gikan sa mga mu-away kaniya, mag-amoma ug magpakaon.
Dihang nakita sa mga zookeepers nga pasakitan siya sa ubang dagko na nga mga unggoy, dinhi nila gihatagan og stuffed toy usab nga unggoy si Punch.
Sigon ni zookeeper Kosuke Shikano, gisuwayan pa og hatag og lain-laing stuffed companion si Punch sama sarolled-up towels ug ubang stuffed animals, apan wala kini misalir sa batang unggoy.
Dinhi nila napili ang orange ug bug-eyed nga orangutan nga gibaligya sa usa ka Swedish furniture brand kansa dali nga naghatag og comfort nga posibleng tungod kay susama sila og hitsura rason nga iya na kining dala-dalahon bisan asa siya nga bahin sa zoo mudalikyat.
Dihang nakita kini sa ubang mga unggoy nga curious usab sa iyang gidala-dala, inanay na niyang na-integrate ang iyang kaugalingon ngadto kanila nga gikalipay dili lang sa mga zoo keepers kondili apil na sa mga zoo goers.
