BUTUAN CITY – Usa ka babaye sa India ang giila sa Guinness World Records human masukod sa 8 ka tiil og 10 pulgadas ang kataas sa iyang buhok.
Si Renu Dhariyal, usa ka content creator nga mihimo ng mga video mahitungod sa beauty ug hair care, ang bag-ong naghawid sa titulong pinakataas nga buhok sa mga babaye.
Nasayrang tuig 2015 sa dihang mihunong sa pagpaputol sa buhok si Dhariyal og na-engganyo siyang patas-on og maayo ang iyang buhok tungod sa kamahinungdanon niini sa kultura sa India.
Sumala pa niini, ang taas nga buhok dugay nang gikonsidera nga simbolo sa katahom og tradisyon sa ilang nasud.
Nalabwan ni Dhariyal ang kanhe record holder nga si Aliia Nasyrova sa Ukraine, nga ang buhok dunay katas-ong 8 ka tiil og 5 ka pulgadas.
Dili sayun alang kang Dhariyal ang pag-atiman sa iyang taas nga buhok tungod kay pila ka oras matud pa niya kining hugasan og kuhaon ang mga kulot-kulot niini.
Imbes nga mogamit og daghang commercial hair products, mas gipili niyang mogamit og natural nga pamaagi diin mihimo og kaugalingong hair oils ug shampoo gamit ang mga anaa lang sa panimalay.
