BUTUAN CITY -Gihangyo ni American pop star Ariana Grande ang White House nga dili gamiton ang iyang kanta sa pag-promote sa ilang mga polisiya bahin sa imigrasyon.
Nasayrang ang kantang Bye, nga misikat niadtong 2024, gigamit isip soundtrack sa usa ka mensahe o materyal nga nalambigit sa administrasyon ni Donald Trump.
Nagkomento usab si Grande sa social media post sa White House, kondiin iyang gibutyag nga dili angay gamiton ang iyang kanta sa mga panghitabo nga iyang gihulagway nga barbaric, dili makatawhanon, ug duguon.
Samtang gipadayag ni White House spokesperson Abigail Jackson nga ang tinuod nga barbaric, dili tawhanon, ug bayolente mao ang mga ilegal nga imigrante nga nakahimo’g mga krimen nga miresulta sa kadaot ug kamatayon sa mga inosenteng Amerikano.
