BUTUAN CITY – Gibasura sa International Criminal Court kon ICC Appeals Chamber ang tanang grounds nga gi-isa sa petisyon sa kampo ni kanhi Pangulong Rodrigo Duterte aron i-dismiss ang kasong crimes against humanity nga iyang gi-atubang tungod sa kakulang matud pa sa hurisdiksyon.
Atol sa Appeals Chamber ruling kaganina lang, gipadayag sa tribunal nga ilang gibasura ang apela ni Duterte, sa rasong duna sila’y hurisdiksyon taliwa sa pag-withdraw sa Pilipinas niadtong tuig 2019.
Madumdumang gihagit sa kampo sa kanhi pangulo ang hurisdiksyon sa korte sa rasong mi-withdraw na ang Pilipinas gikan sa ICC, duha ka tuig adiser gilusad ang imbestigasyon.
Madumdumang nagdesisyon na ang Pre-Trial Chamber batuk sa maong claim niadtong Oktubre 2025, tungod sa rason nga natigayon ang gika-ingong kremin dihang ang Pilipinas, membro pa sa Rome Statute, rason nga duna sila’y hurisdiksyon.
Ang confirmation of charges hearing sa ICC niadtong Pebrero, misusi sa tulo ka ihap sa crimes against humanity, nga nag-cover sa 78 matud pa ka mga kasong murders ug attempted murders nga nahitabo tali niadtong tuig 2011 hangtud 2019.
Atol niini nga mga pagdungog, gi-waive usab sa kanhi presidente ang iya untang pagtambong kondiin dinhi gi-assess kung si Duterte ba ang mastermind sa mga pagpatay isip usa ka indirect co-perpetrator.
