BUTUAN CITY – Gisugdan na sa mga ahensya sa United Nations kon UN ang bag-ong hugna sa polio vaccination campaign alang sa mga bata sa northern Gaza bisan pa man sa mga kabalaka tungod sa padayong pag-atake sa Israel ug mga babag sa access alang sa mga ayuda aron unta maka-abot na kini sa pipila ka mga lugar.
Sigon sa United Nations International Children’s Emergency Fund kon UNICEF, ang vaccination campaign batuk sa virus – kansa posibleng maka-paralyse o kaha makapatay sa mga bata, gibalik na sa northern Gaza human ang pila ka higayong pagkadelatar. Ang unang hugna sa vaccination rollout gihimo niadtong Septembre ug naka-abot ngadto sa kapin 560,000 ka mga batang nag-edad og 10-anyos pa-ubos hangtud sa usa ka adlaw.
Gisulayan karon sa mga otoridad ang pag-administer sa ikaduha ug katapusang dose sa oral vaccine. Sigon sa UN, tumong sa second-round sa anti-polio campaign sa north, aron matupukan ang gibana-banang 119,000 ka mga bata kansa gidudahang dili makab-ot tungod sa wala’y hunong nga pag-atake sa Israel.
