BUTUAN CITY- Gipa-ambit sa aktres ug host nga si Anne Curtis ang tensyonadong nasinati-an human ang flight niini padulong United Arab Emirates (UAE) napugos pagbalik sa Milan, Italy tungod sa padayon nga airstrikes sa Middle East.
Sa iyang Instagram Stories, sigon sa host nga padulong kini sa Dubai aron maka-uban ang pamilya niini. Dugang pa ni Anne, nga namatikdan niini ang usa pa ka jet ug dayong pag-anunsyo nga mobalik ang ilang gisakyang eroplano sa Milan tungod sa nagpadayon nga mga airstrikes.
Gihangyo usab ni Anne ang pag-ampo alang sa mga pamilyang apektado sa kagubot sa rehiyon kahibaloan nga anaa sa Milan si Anne human mingsalmot sa fashion week.
Ang tensyon sa Middle East nagsugod niadtong Sabado human minglusad og pag-atake ang United States ug Israel batok sa Iran, kung asa gitaho sa Iranian state media nga mingtaliwan na ang Supreme Leader nga si Ayatollah Ali Khamenei.
Isip tubag, naglunsad ang Iran og serye sa missile ug drone strikes sa rehiyon, lakip ang Dubai, usa sa pinaka-importanteng hub sa pangakalibotanong biyahe kansa nagkonektar sa Europa ug Asya.
