BUTUAN CITY – Nakabsan sa hinulamang kinabuhi ang amahan og anak human nga nalumos sa pagpangaligo og dagat sa may Cagbuaya, Barangay Baliti, lungsod sa Bayabas, Surigao del Sur niadtong miaging adlawa, Abril 10, 2026 sa alas 5:00 sa hapon.
Base sa impormasyong nakuha gikan sa Municipal Disaster Risk reduction and management office kon MDRRMO-Bayabas, nailhan ang mga biktima nga sila Elmer R. Pedrozo, 40-anyos og ang iyang anak nga 16-anyos nga babaye residente sa Sitio Banacan, Brgy. Victoria, Tago, Surigao del Sur.
Nag-selebrar matud pa ang pamilya pinaagi sa pagpangaligo sa usa ka resort sa maong lugar tungod sa pag-gradwar sa 16-anyos nga biktima sa Junior Highschool.
Apan kalit kaayu ang panghitabo diin nalumos ang 16-anyos rasong misulay pagluwas ang amahan apan way swerteng naapil hinoon niini.
Naka-responde ang Bayabas SERTSS Rescue Team ug girescue ang duha ka biktima nga wala nay panimuot.
Gihatagan kini og CPR ug gidala sa Adela Serra Ty Memorial Medical Center sa Tandag City apan gideklara ang mga biktima nga nakabsan na sa kinabuhi.
Tungod niini, gipahimangnoan publiko nga mag-amping ilabi na kung mangaligo sa dagat aron malikayan ang susamang trahedya.
