Ama-ama sikop tungod sa pagkunsumo sa 2 niya ka humagbos ug usa pa ka anak

BUTUAN CITY – Nakalingkawas na gikan sa paghimong sex slave sa ilang ama-ama ang duha ka mga dalagita human nga hingpit nang nadakpan sa kapulisan ang responsable didto sa San Pablo, Laguna.

Sigon sa National Bureau of Investigation kon NBI, wala pa makontento ang suspetsado, gi-apil pa niini paghilabot ang iyang kaugalingong anak nga babayeng 4-anyos ang pangidaron.

Dinhi na nangayo og tabang ang managsoon ngadto sa kapulisan resulta sa pagkasikop sa suspetsado.

Nasayrang sa abroad nagtrabaho ang inahan sa mga biktima rason nga wala’y nakapugong sa suspetsado paghimo og linuog nga buhat ngadto sa iyang anak ug mga humagbos.