BUTUAN CITY- Opisyal nang lakip ang Filipino tennis star nga si Alex Eala sa main draw sa US Open kung asa ang iyang ika-duha nga pag-apil sa nag-unang torneo sa nasangpit nga Grand Slam event.
Lakip ang pangalan ni Eala sa official entry list sa US Open nga ipahigayon karung Agosto 30 hangtud Setyembre 13, isip parte sa iyang ika-upat ug kataposang Grand Slam main draw appearance karung season.
Ang 19-anyos nga tennis standout, nga kasamtangang anaa sa No. 29 ranking sa Women’s Tennis Association (WTA), mala-umong mapadayon ang iyang ma-anyag nga kampanya sa mga Grand Slam human ang malampuson niining away sa Wimbledon.
Sa Wimbledon, ming-abot si Eala sa Round of 16 human gipildi ang defending champion nga si Iga Swiatek kinsa ma-ila isip usa sa dakong kalampusan sa karera niini.
Nakuha usab ni Eala ang unang Grand Slam main draw victory niini niadtong mi-aging tuig human gipildi si Clara Tauson sa unang round sa US Open adiser hingpit nga napildi kang Cristina Bucsa.
HUman ang pagpahulay niini sa Pilipinas niadtong miaging simana, sugdan na usab ni Eala ang pagpangandam alang sa US Open series.
Sunod nga mosabak ang graduate sa Rafa Nadal Academy sa Mubadala DC Open sa Washington kunga asa magdula kini sa singles ug doubles event. Maka-team niini sa doubles ang tennis legend nga si Venus Williams.
