BUTUAN CITY – Pakyas nang maka-abante ang Filipina Tennis Star nga si Alex Eala sa sunod nga round human gipildi ni Jelena Ostapenko, 6-4, 7-5, sa Round of 16 sa Upper Austria Ladies Linz Open niadtong Miyerkules, Abril 8, 2026.
Unang nagpakita si Eala og maayong dula human siyang manguna sa parehong set.
Miabante siya sa 4-2 sa unang set ug nagpakitang-gilas pa sa ikaduhang set sa dihang makuha ang 4-0 nga labaw.
Bisan paman, nakabawi si Ostapenko ug gipakita ang iyang kasinatian sa dula.
Nakuha sa Latvian player ang upat ka sunod nga serve aron mailog ang unang set, adiser hingpit nga gidomina ang ulahing parte sa ikaduhang set sa unom ka managsunod nga kadaugan aron maselyuhan ang nasangpit nga dula.
Adiser ang iyang pagkapildi, malampuson nga gipukan ni Eala si Julia Grabher sa Round of 32 sa iskor nga 6-4, 6-3.
Samtang kini usab ang pinaka-unang kadaugan ni Ostapenko batuk kang Eala sa usa ka WTA tournament.
Bisan paman sa kapildihan, laumang mobalik gelayon ang Filipina Tennis star sa Stuttgart Open sa sunod nga semana.
