BUTUAN CITY – Nanawagan ang usa ka anak ngadto sa pwedeng makatabang aron mapauli ang patay’ng lawas sa iyang inahan nga usa ka Household Worker sa Kuwait nga nakabsan sa kinabuhi human ang pila ka adlaw nga gideklarang brain dead.
Saysay pa ni Glaiza Rozal Amor gikan sa Las Nieves, Agusan Del Norte gipahibalo nalang siya sa higala sa iyang inahan nga nagtrabaho sa kabanay ra usab sa iyang amo, nga nakit-an matud pa ang iyang inahan sulod sa pansayan nga walay panimoot rasong mitawag og ambulansiya.
Sunod nga impormasyon nga ilang nadawat mao ang hinanaling pagpa-ilalom sa emergency operation tungod sa nakitang dugo sa ulo hangtud nga na-brain dead kini niadtong Sabado og wala nay tsansa matud pang makamata.
Kaganinang alas 3:00 sa buntag oras sa Pilipinas, na-shock nalang sila sa dihang gipahibalo sila sa amo sa iyang inahan nga nakabsan na kini sa kinabuhi.
Ang problema nila matud pa sa karun mao ang pamahayag sa ministry of Health nga maabtan pa og usa ka bulan adiser mapauli sa nasud human wala sila misugot nga idonar ang organs niini.
Lakip sa gidudahan nila ang natigayong giyera sa Middle East tungod kay dali ra matud pang mahadlok ang iyang inahan ilabina kay dungog matud pa kaayu ang mga pagbusikad og pagpamomba.
Apan dili na matud pa sila mag-request of autopsy report tungod kay nasayud man sila sa gikamatyan niini samtang bootan usab ang amo sa iyang inahan nga mao ray employer niini sa kaduha ka higayon nga nanarbaho sa Kuwait.
asayrang matapos na unta ang kontrata sa iyang inahan karung Abril 14 og nakatakda na untang mopauli.
