BUTUAN CITY – Aprubado na sa Israeli parliament ang balaudnon nga maghatag og kagahom sa gobyerno aron i-ban ang pag-broadcast sa mga TV channels apil na ang Al Jazeera, ang TV network nga gipanag-iyahan sa Qatar.
Sigon ni Prime Minister Benjamin Netanyahu, iya gilayong aksyunan ang pagpasira sa local office sa maong network kansa naghatag og kabalaka sa Estados Unidos.
Kini tungod kay sa pag-ban na sa mga langyaw’ng tigbalita pagsulod sa Gaza, ang mga Al Jazeera staff nga nakabase sa Gaza strip, dili na unya maka-cover sa giyera diha sa kamad-an tungod kay apil sila sa pipila lang ka mga reporters, nga nag-cover sa mga panghitabo.
Ang Knesset kansa mao ang parliamento sa Israel, mi-apruba sa balaudnon nga nagtugot sa gobyerno nga temporaryong i-ban una ang mga foreign networks nga gikonsiderang hulga sa ilang nasudnong siguridad.
Ang ban mulungtad og 45 ka mga adlaw kansa mahimo pang i-renew.
